КОЦУР – З пригоднима програмами, у Коцуре нєшка будзе означена 250-рочнїца образованя у тим месце, а Основна школа „Братство-єдинство” означи и Дзень школи. Централна шветочносц – Шветочна академия, будзе на поладнє у велькей сали Дому култури.
Предвидзени и вецей провадзаци активносци, та на 10 годзин у школским дворе почню подобова колония школярох и спортски змаганя у физкултурней сали.
У учальньох и у голу Школи на 11 годзин будзе отворена вистава подобових роботох визначних малярох-бувших школярох коцурскей Школи, вистава старих фотоґрафийох, кнїжкох и наставних средствох, та вистава националних єдлох сербскей, рускей и мадярскей кухнї.