КОЦУР – Коцурски Шаховски клуб „Омладинєц“ у ресторану „Дейо” у Коцуре, прешлого викенду орґанизовал 25. Мемориялни турнир пошвецени покойним предсидательом и бавячом ШК „Омладинєц“. Медзитим, того року турнир окреме пошвецени длугорочному секретарови клуба Милованови Пауновичови, котри нєдавно настрадал у транспортним нєщесцу.
На турниру участвовали 24 шахисти зоз Вербасу, Бачкого Доброго Поля, Змаєва, Срборбану и Коцура.
Перше место освоєл Боян Петрович зоз Вербасу, друге Ґоран Попович, а треце Ґавра Коларич, обидвоме члени коцурского ШК „Омладинєц”.
Интересантне же штварте место на тим турнире освоєл Ґеорґий Йоцев, котри того року наполнєл 90 роки.