КОЦУР – Внєдзелю, 14. авґуста, коцурска Грекокатолїцка церква Успения Пресвятей Богородици означела швето Маковея.
Архиєрейску Службу Божу, у хторей вода швецена, служели о. Яков Кулич и о. Яков Новак. Потим як виприповедал о мученю седемцох Маковейских братох и їх родичох, оцец Кулич у казанї поручел парохияном най, без огляду на почежкосци, останю вирни своєй християнскей вири.
О. Кулич и о. Новак воду швецели по законченю Служби, а парохиянє на швеценє воду могли принєсц у судзинох, лєбо по законченю Служби набрац з пошвеценей води хтора була порихтана у парохиї.