КОЦУР – Всоботу, 26. марца, у просторийох Коцурского здруженя младих, младим Коцурцом представена робота Роботного цела за младеж Националного совиту (НС) Руснацох.
О националних меншинох, НС, та о Роботному целу за младеж бешедовали члени Цела Иван Канюх з Нового Саду и Мелания Мали з Коцура, а на представяню Роботного цела за младеж присуствовал и член НС з Коцура Борис Фейди.
Стретнуце з младима у Коцуре отримане нє лєм пре промцию активносцох Роботного цела, алє и же би ше младих одшмелєло най свойо идеї витворюю през проєкти, з хторима можу апликовац на Конкурс за софинансованє младежских проєктох у рускей заєднїци, хтори отворени по 1. април (Конкурс у цалосци обявени на правим боку нашого сайту).