КОЦУР – У рамикох Дзецинского тижня у коцурскей Основней школи „Братство єдинство” буду орґанизовани рижни активносци за младших и старших школярох.
Школяре од першей по штварту класу у Дзецинским тижню орґанизовано нащивя Ґеронтолоґийни центер и рижни креативни роботинї. И того року нєзаобиходна активносц будзе рисованє на асфалту, з тему Тижя „Потримовка фамелиї – найлєпша потримовка дзецом”, та бависка без гранїцох, а концом тижня будзе орґанизовани бал под масками.
За старших школярох буду орґанизовани спортски змаганя у малим фодбалє и одбойки, як и крос. Школяре пойду и на приєм до предсидателя Општини Вербас, а на концу Дзецинского тижня будзе журка у физкултурней сали.
У коцурскей Школи нєшка ступа на моц одлука зоз Совиту родичох о пременки розпорядку зменох, та школяре од першей по штварту класу буду ходзиц до єдней, а старши школяре до другей. Дотерз школяре парних и нєпарних класох ходзели до процивних зменох.