КОЦУР – Пре догварку о злєпшованю квалитету танцох на Фестивалє фолклору Руснацох „Коцурска жатва”, як и о репертоаре тогорочней „Жатви”, на ютре, 16. марца, у Коцуре будзе сход руководительох виводзацких танєчних секцийох у КУД-ох у наших местох. Схадзка будзе у просторийох Дому култури на 18 годзин.
Орґанизатор сходу Културно-уметнїцке дружтво „Жатва”, хторе и ношитель орґанизациї Фестивалу, а инициятор коцурски хореоґраф Микола Ґубаш.
– Рахуєм же така догварка потребна же би и наш фестивал випатрал так як би мал випатрац єден фестивал од националного значеня за руску заєднїцу – гварел Ґубаш пред отримованьом ютрейшей схадзки.
З тим сходом практично почню пририхтованя за тогорочну „Коцурску жатву”, хтора у Коцуре будзе 15. и 16. юлия.