Михал Кочиш и його дзивка Гелена з Дюрдьова столаре. Оцец ма вельо длугши стаж у столарским ремесле, а почал го учиц ище у дакедишнєй фирми „Дюрдьовчанка”. Понеже роби и у млїну, велї людзе з валалу анї нє знали же цо шицко зна и може справиц з древа.
Гелена барз швидко упива оцово совити, провадзи цо ше случує у столарстве и уноши нови, креативни идеї до того ремесла. Вредна є, лапа ше до шицкого, та себе уж справела и древени стол за компютер. Найчастейше обрабя древо и пририхтує го, а найволї по нїм писац и рисовац.
Як нєшка у столарстве руку под руку крачаю нови идеї и длугорочне искуство, дознаце у двацец шестим чишлє наших новинох.