КУЛА – Пондзелок у Кули почало оправянє державней драги, цо на остатнєй схадзки Скупштини општини наявел заменїк предсидателя Општини Кула Велибор Милоїчич, котри гварел же оправянє 2,7 километрох главних драгох у општини кошта коло 50 милиони динари. У реконструкциї драгох Општина участвує лєм зоз 4,9 милиони, а векшину вифинансує ЯП „ Драги Сербиї”.
Реконструованє главней драги през Кулу почало за надвожняком на виходзе спрам Червинки, а як гварел Милоїчич, того мешаца почнє цалосна реконструкция тей драги у часци од семафорох у Кули по бензинску станїцу. Попри драги, у тей часци Кули ЯКП „Комуналєц” будзе ушорйовац злївнїки и одводзенє атмосферских водох, так же то коло мешац и пол будзе єдно вельке будовалїще.
Општина Кула з ЯП „Драги Сербиї” посцигла догварку же би на державней драги бул оправени и уход до Сивцу, 500 метери коло спомнутого „надвожняку” у Кули, як и километер савиноселскей драги.