КУЛА – На площи опрез пошти у Кули нєшка од 10 по 17 годзин будзе отримана манифестация, „Днї бундави 2019ˮ, на хторей будзе участвовац и Здруженє женох „Байкаˮ.
На „Дньох бундавиˮ ше будзе предавац и рижни єшеньски плоди, жимнїцу, будзе орґанизована и вистава и предаванє рижних сувенирох, як и змаганє за накрасше єдло зоз бундави. Попри тим, будзе орґанизована и деґустация вина зоз чернїцох.
Орґанизаторе, Здруженє „Еко Кулаˮ и Туристична орґанизация општини Кула, понукаю розвагу за цалу фамелию, та на тей манифестациї годно покоштовац сладки и слани специялитети зоз бундави, участвовац на дзецинским карневалу и креативних роботньох за дзеци, а будзе грац и музика.