МИКЛОШЕВЦИ – У грекокатолїцкей церкви Рождества Пресвятей Богородици у Миклошевцох нєшка, на Малу Матку Божу по григориянским календаре, Кирбай.
Архиєрейску Службу Божу на 11 годзин будзе служиц владика крижевски, кир Никола Кекич, а обчекує ше же приду сослужовац и священїки зоз сушедних руских парохийох у Горватскей и з Дякова, як и з парохийох Апостолского еґзархату за грекокатолїкох у Сербиї – зоз Шиду, Беркасова и Сримскей Митровици.