МИКЛОШЕВЦИ/ЧАКОВЦИ – У новим школским року, хтори вчера почал у Републики Горватскей, у Основней школи Чаковци уписани 93 школяре, а у єй Подручней школи у Миклошевцох єст 15 школярох – пецеро у першей, штверо у другей, двойо у трецей и штверо у штвартей класи.
Факултативне виучованє руского язика по моделу „Ц” будзе запровадзене лєм у нїзших класох, дзе уписани 12 школяре, бо по анкети зробеней на концу прешлого школского рока, школяре висших класох ше нє приявели за виучованє руского язика.