БЕОҐРАД – Найвекши шанси за доставанє роботи у Сербиї маю инжинєре електротехнїки, ИТ-фаховци, математичаре, наставнїки странских язикох, лїкаре, дипломовани фармацеути, фаховци за финансиї, заварйоваче, кнїжководителє, рахунководителє, козметичаре, як и у обласци допатраня старих – гваря у Националней служби за обезпечованє роботи (НСЗ).
До роботи чежше доходза фаховци з обласци текстилу и скори, польопривреди, продукциї и прерабяня поживи, лєсарства, дактилоґрафи, правнїки, технїчаре, фризере. Роботу чежко находза и машинци з другим, трецим и штвартим ступньом фаховосци.
Кед слово о доставаню роботи у иножемстве, у НСЗ наводза же найчастейши конкурси на основи Спорозуменя о поштредованю и дочасовей занятосци державянох Сербиї у Союзней Републики Нємецкей, хторе подписане медзи НСЗ и Нємецку союзну аґенцию за обезпечованє роботи з Нирнберґу.
Найглєданши медицински шестри за здравствене допатранє старших особох и хоротнїкох у установох такого типу ширцом Нємецкей, наводза у НСЗ.