НОВИ ВЕРБАС – На парохиї церкви Святого Владимира у Новим Вербаше и того року, як представнїки церкви, до велького числа обисцох парохиянох колядовац ишли два ґрупи шпивачох и то на Вилїю и на шицки три днї Крачуна.
У старшей ґрупи були члени Церковного одбору тей церкви, парохиянє хтори длугорочни члени шпивацкей ґрупи КПД „Карпати”.
У младшей ґрупи колядовали школяре хтори ходза на виронауку, а за тоту нагоду пририхтали их вихователька Оля Станков и парохиянка Оля Фа.
