НОВИ САД – Трицете тогорочне число новинох „Руске слово” у рубрики „Тижньовнїк” закончує напис о локалних конкурсох у обласци явного информованя, док о початку Волонтерского кампу у Руским Керестуре, о акциї за зберанє помоци Наташи Ґайдошовей у Вербаше и актуалносцох з Дюрдьова пише у рубрики „Нашо места”.
„Економия” зазначела пририхтованя за манифестацию „Днї керестурскей паприґи” и продукцию и одкуп огуркох у Руским Керестуре.
На бокох рубрики „Духовни живот” интересантни напис о одношеню чловека ґу гриху, а о новей театралней сезони РНТ „Петро Ризнич Дядя” и о госцованю Дома култури Руски Керестур на Фестивалу „Лемковска ватра” у Ждинї пише у рубрики „Култура и просвита”.
„Людзе, роки, живот” читачох упознаваю зоз учителями йоґи Владимиром Виславскийом и Владимиром Емейдийом з Керестура, а ту и штварте предлуженє фельтона „Привредни живот Руснацох” автора Мирона Жироша.
На „Спорту” пише о спортских активносцох у жабельскей општини, успишних коцурских рибарох, як и о змаганю у вареню пасулї у рамикох Спортских бавискох „Яша Баков” у Коцуре. Ти у текст о дакедишньому фодбалерови зоз Шиду Йоакимови Кечкешови.
Додаток у тим чишлє „Литературне слово”, а нови рецепти и поради обисцу мож пречитац у рубрики „Хладок и горуци тепши”.