НОВИ САД – У тогорочним двацец седмим чишлє новинох „Руске слово” рубрика „Тижньовнїк” пише о предлужованю термину за приватизацию медийох, о нащивох делеґациї Националного совиту Руснацох подручним канцеларийом у Новим Садзе и Дюрдьове, а ту и напис о проблемох з хаснованьом каплїчки на дюрдьовским теметове.
Боки „Нашо места” зазначели хтори важни одлуки принєсла вербаска Скупштина општини, ту и текст з Центру за социялну роботу у Шидзе, та вецей актуалносци з Руского Керестура. На тих бокох пише и о госцованю кулянскей дзецинскей представи у Словацкей, а „Нашо места” наявюю и Днї керестурскей паприґи.
„Економия” у тим чишлє пише о косидби жита и ярцу по наших хотарох.
„Култура и просвита” дава приказ новей кнїжку Ирини Гарди Ковачевич „Галов”, зазначеує госцованя Дюрдьовчанох и Керестурцох у Польскей и Словацкей, як и концерт канадского ансамблу „Євшан” у Руским Керестуре. У тей рубрики и о промоциї кнїжки Зденка Лазора „Попатрунок” у Бачинцох, та госцох з Камйонки, котри нащивели Шид и Бикич.
„Людзе, роки, живот” читачом представяю двох Керестурцох – Александра Гербута, реґионалного менаджера у Лексмарку и Михала Провчия, котри окрем родослову своєй фамелиї, у власносци ма и єден найстарши зачувани документ.
„Духовни живот” пише о преподаваню о зменшованю ризику од природних нєпогодох у Коцуре, хторе орґанизовал Каритас, о реновираню церкви у Сримскей Митровици, а „Мозаїк” представя Валентину Няради з Беоґраду, винїмково талантовану за природни науки.
„Спорт” зазначел участвованє фодбалерох керестурского „Русину” на Дньох Свиднїку у Словацкей, а наявює и Турнир у малим фодбалє у Керестуре. Як додаток вишла „Дом и фамелия” з тему сучасне образованє, а ту и нова „Женоблоґия”.