НОВИ САД – У тогорочним дзевятим числу новинох „Руске слово” на бокох „Тижньовнїка” мож пречитац о звекшаню участвованя женох на виберанкових лїстинох, а „Нашо места” понукаю звит зоз схадзки СО Шид, спатраю плани Месней заєднїци Дюрдьов за тот рок, а пише и о проблему зоз псами блукачами.
Вербаска општина ше представела на саймох у Беоґрадзе и Новим Садзе, а польопривреднїком у општини Шид представена ИПАРД програма, о чим пише у рубрики „Економия”.
„Култура и просвита” зазначела подїї вязани за означованє Медзинародного дня мацеринского язика на Оддзелєню за русинистику у Новим Садзе и у керестурскей Школи, а ту и напис о диґитализованю рускей тастатури. Попри тих темох, наявени и 30. Фестивал рускей народней шпиванки „Ружова заградка”, и дати звит зоз схадзки Управного одбору Дружтва за руски язик, литературу и културу, док „Духовни живот” понука напис у котрим ше спатра кельо зме библийни людзе.
У рубрики „Людзе, роки, живот” представена Ивана Будински зоз Руского Керестура, а ту и нове, на тот завод барз интересантне, предлуженє фельтону „Привредни живот Руснацох” автора Мирона Жироша.
На бокох спортскей рубрики пише о роботи Карате клубу „Русин”, а на концу новинох „Горуци тепши”.
Додаток у тим чишлє „Литературне слово”.