НОВИ САД – У тогорочним трицетим чишлє новинох „Руске слово” рубрика „Тижньовнїк” пише о Лєтнєй школи руского язика хтора того року отримана у Попрадзе у Словацкей, а тема рубрики нєдостаток лїкарох-специялистох у домох здравя у Жаблю, Вербаше и Шидзе.
Боки „Нашо места” зазначели першу виставу ручних роботох у орґанизациї Здруженя женох „Идея” зоз Кули, поставянє видео-надпатраня у Руским Керестуре и отверанє учальнї на отвореним у коцурскей школи, а у тей рубики наявюєме манифестациї „Днї нового хлеба” у Новим Орахове и Днї керестурскей паприґи у Руским Керестуре.
„Економия” свойо боки пошвецела продукциї паприґи у Руским Керестуре и пошлїдком хтори горучава охабела на плоди.
О 11. Колониї подобових уметнїкох и 14. Дзецинскей колониї „Стретнуце у Боднарова”, о награди „Дяковний лист” хтору у Словацкей достал Янко Лендєр пишеме у рубрики „Култура и просвита”, а „Мозаїк” на своїх бокох пише о Акциї младих у Коцуре „Дай и ти свою руку” и Лєтнєй журки на базену у Руским Керестуре хтору орґанизовал „Пакт Рутенорум”.
„Духовни живот” зазначел як преславени Кирбай у парохиї у Новим Вербаше, а „Людзе, роки, живот” представяю читачом младого и успишного Владимира Миклоша зоз Вербасу.
„Спорт” звекшого пише о Ноцним турниру у малим фодбалу у Руским Керестуре, а як додаток вишло „Литературне слово”.