НОВИ САД – У трицец седмим чишлє новинох „Руске слово” рубрика „Тижньовнїк” приноши звит з пиятей порядней схадзки Националного совиту Руснацох, а ту и тема о медийних архивох. Рубрика „Нашо места” пише о чечуцих роботох у керестурскей Катедралней церкви и школярскей еколоґийней акциї у Коцуре.
Боки „Економиї” зазначели актуални роботи у хотарох по наших местох, док рубрика „Култура и просвита” пошвецена Фестивалу култури „Червена ружа” и чи з нього мож направиц бренд, а ту и информация о настави руского язика у Дюрдьове.
„Людзе, роки, живот” приноша друге предлуженє о Бесерменьовей фамелиї з Вуковару, док у „Мозаїку” читаче упознаю Ана-Марию Недич, младу студентку физики.
Рубрика „Духовни живот” пише о монашстве у сучасним швеце, а на „Спорту” о турниру у лапаню рибох у Керестуре, у рамикох Спортских бавискох „Яша Баков”. Ту и резултати змаганьох екипох з наших местох.
У тим чишлє вишли два додатки – „Дом и фамелия” и „Руске у швеце”.