У новим „Руским слове”

автор ядю
676 Опатрене

НОВИ САД – У тогорочним штерацетим чишлє новинох „Руске слово” рубрика „Тижньовнїк” розпатра формованє Приручней библиотеки Руснацох при Заводзе за културу войводянских Руснацох и одгуки Беоґрадского безпечносного форуму.

На бокох „Нашо места” мож пречитац о укладаню средствох до проєктох у вербаских явних подприємствох, а ту и напис о пририхтованю за преславу Националного швета Руснацох у Кули. У тей рубрики и вистки з Дюрдьова и Коцура, як и текст о нащиви полицайкох дзецом у керестурскей оводи. „Економия” у тим чишлє звекшого пише о законченю паприґарскей, а початку сезони вибераня цвикли.

„Култура и просвита” зазначела промоцию преложеней кнїжки Штефана Гудака на українски язик, а ту и текст о Медзинародней конференциї у Слупску, у Польскей. На тих бокох „Руске” пише и о Музичней школи у Вербаше и схадзки Орґанизацийного одбору „Червеней ружи”.

Рубрики „Людзе, роки, живот” зазначела интересантни живот Мариї Гайдуковей з Руского Керестура, а ту и стретнуце з дюрдьовским шнайдером Йовґеном Папуґовим, док „Мозаїк” представя младу адвокатку Силвию Орос з Керестура и упознава читачох з водительками емисиї за младих „Останьце нашмеяни”.

На бокох „Духовного живота” мож пречитац о виронаучней настави по наших школох и парохийох, а на бокох „Спорту” о резултатох фодбалских клубох з наших местох у їх змагательних лиґох.

ПОВЯЗАНИ ТЕКСТИ