НОВИ САД – У тогорочним штерацец пиятим чишлє новинох „Руске слово” рубрика „Тижньовнїк” пише о отриманей академиї за унапредзованє роботи меншинских медийох и о Округлим столє Нєзависного дружтва новинарох Войводини, а ту и текст о Виберанковей скупштини Союзу Руснацох Українцох.
О тим як мож виняц особни документи на териториї цалей Сербиї, о Дню општини Жабель и Дню просвитних роботнїкох у Керестуре, медзи другима темами пише на бокох „Наших местох”.
„Економия” сумирує тогорочни урожай и хасен польопривреднїкох, а ту и текст о ище єдному Коцурцови котри садзи пауловниї.
„Култура и просвита” звекшого пише о дотераз отриманих програмох на Културней манифестациї „Костельникова єшень”, та о вистави маскох Милоша Лишанина Пифкия у Заводзе за културу войводянских Руснацох.
„Людзе, роки, живот” у тим чишлє представяю єденацчлену фамелию Тимкових з Коцура и фамелию з Дюрдьова котра продукує виски. „Мозаїк” пише о Дарянови Белакови и о його успишней атлетскей кариєри, док на „Духовним живоце” и текст о сучасних питаньох у психолоґиї.
Спорт” зазначел як прешли рукометни змаганя у Руским Керестуре, а як додаток вишла „Дикица”.