НОВИ САД – У тогорочним шестим чишлє, новини „Руске слово” на бокох рубрики „Тижньовнїк” пишу о нащиви делеґациї Пряшовского самоуправного краю пре конкретизованє Спорозуменя о медзиреґионалним сотруднїцтве з АПВ, о нащиви представительох Делеґациї ЕУ Националному совиту Руснацох, як и о конституованю одборох Националного совиту.
На „Наших местох” звит зоз Скупштини Здруженя пензионерох у Керестуре, та текст о сотруднїцтве медзи општинами Вербас и Бачки Петровец, док на боку „Економия” нашо фаховци пишу о тим як ше пременки клими одражую на еколоґию.
„Култура и просвита” свойо боки пошвецела анґажованю руских мастерантох у Сриме, промоциї волонтеризму у Руским Керестуре и Награди „Антония Годинки”, хтору достал др Михайло Фейса. У тей рубрики и интервю з Олену Пушкаш, музичну редакторку у Радио Новим Садзе.
Рубрика „Духовни живот” пише о трибини за младих о вири у Керестуре, а ту и напис о християнстве и задовольстве зоз животом.
„Людзе, роки, живот” читачом приблїжую державу-острово Малту, док „Спорт” зазначел здогадованє на траґично настраданого Боривоя Ґаковича з Коцура, познатого змагателя у конїцким спорту. Ту и текст о успиху наших атлетичаркох, а у тим чишлє як додаток вишла „Дикица”.