НОВИ САД – У тогорочним штерацец дзевятим чишлє новинох „Руске слово” рубрика „Тижньовнїк” зазначела шесту порядну схадзку Националного совиту Руснацох, а ту и интервю з нашим владиком, кир Георгийом Джуджаром.
О означованю Дня Општини Шид, актуалносцох з Руского Керестура, Коцура, Осиєку и жабельскей општини, та о нащиви подпредсидателя Покраїнскей влади Михаля Нїлаша Општини Кула, пише на бокох рубрики „Нашо места”.
„Култура и просвита” приноши звити з програмох у рамикох манифестациї Днї Миколи М. Кочиша, та з Фестивалу малих сценских формох „Дюра Папгаргаї” у Новим Садзе.
„Мозаїк” упознава читачох з Иваном Молнаром з Дюрдьова, зоз студентима зоз жабельскей општини котри за добри успих наградзени з путованьом до европских городох, а рубрика „Людзе, роки, живот” у тим чишлє пише о Борисови, Ани и Гелени Бучкових з Миклошевцох.
Теми „Економиї” продукция капусти и науково-фахови сход о заградкарстве у Новим Садзе, на хторим участвовали и керестурски продукователє паприґи.
Рубрика „Духовни живот” зазначела приход св. Миколая до керестурскей церкви, а пише и о Лєтнєй владическей резиденциї.
„Спорт” приноши вистки о успиху керестурских каратистох на Купу Сербиї, о пририхтованю Михаила Дудаша за наиходзацу сезону, о аеробику у Коцуре, а ту и текст о фодбалерки Мирели Тенков з Коцура.