У новим „Руским слове”

автор ядю
955 Опатрене

НОВИ САД – На бокох рубрики „Тижньовнїк” штварте тогорочне число „Руского слова” пише о схадзки Координациї националних совитох и о актуалних пременкох у руководительстве у керестурским Доме култури, односно сотруднїцтве Националного совиту (НС) Руснацох и Општини Кула.

„Нашо места” зазначели як ше одвива процес леґализациї безправно збудованих обєктох у Шидзе, о нових службох у вербаским шпиталю, а ту и звит зоз схадзки Скупштини општини Кула.

„Култура и просвита”, медзи иншим, информує о активносцох КПД ДОК з Коцура и о означованю 120-рочнїци народзеня Сави Шумановича у Шидзе, а наявює и премиєру представи „Цо видзела послуга” РНТ „Петро Ризнич Дядя”

„Економия” у тим чишлє представя пчолара Якима Ивана з Руского Керестура, а ту и вистки о преподаваньох за польопривреднїкох у Вербаше и Коцуре.

„Духовни живот” пише о активносцох вирнїкох у Року милосердия, як и о бикичскей дзиячки Любици Роман.

„Мозаїк” представя мултиязични проєкт „Свадзба”, чия премиєра була у Театру младих у Новим Садзе, а пише и о промоциї Роботного цела за младеж НС Руснацох у новосадским РКЦ.

„Людзе, роки, живот” читачох упознаваю з Владимиром Гардийом з Вербасу, док „Спорт” пише о пририхтованю ФК „Русин” за ярню часц першенства и о госцованю ветеранох ФК „Бачка 1923” з Дюрдьова у Италиї. Додаток у тим чишлє „Литературне слово”.

ПОВЯЗАНИ ТЕКСТИ