НОВИ САД – Рубрика „Тижньовнїк” у пиятим тогорочним чишлє новинох „Руске слово” розпатра покля ше сцигло и цо гамує законченє проєкту Руского дому у Новим Садзе, а окрем актуалносцох з Вербасу, Кули, Шиду и Коцура, „Нашо места” даваю звит зоз схадзки Управного одбору Рускей матки, а ту и текст о планох Месней заєднїци Дюрдьов.
На „Култури и просвити”, медзи иншим, зазначене означованє школскей славу у школох у Керестуре, Коцуре и Дюрдьове, на тих бокох и написи о награди хтору достала наставнїца Златка Сивч Здравич, та о Музейней збирки у Вербаше, хтора достала статус городского музею.
„Економия” у тим чишлє преноши информацию о отриманей Скупштини Здруженя керестурских паприґарох и з преподаваня о меду и пчоларских продуктох у КПД „Карпати”.
„Духовни живот” пише о поставених обновених иконох у олтаре Катедралней церкви у Керестуре, о духовней обнови за старших у Руским Керестуре и о означованю 150-рочнїци народзеня митрополита Андрея Шептицкого у Беоґрадзе.
„Мозаїк” преноши атмосферу з Младежского балу у Керестуре, а наявює и фебруарске число часопису МАК.
„Людзе, роки, живот” читачох упознаваю зоз шпивачом Иваном Бесерминьом з Дюрдьова, док „Спорт” пише о Златкови Колошняйови з Коцура и його тренированю у терховнї, о Скупштини СД „Русин”, на хторей преглашени и найлєпши спортисти, як и о пририхтованю Михаила Дудаша за наиходзаци змаганя.
Як додаток вишол „Дом и фамелия”, у хторей и нова „Женоблоґия”.