НОВИ САД – У дзешатим тогорочним чишлє новинох „Руске слово” рубрика „Тижньовнїк” пише о конкурсу Покраїнскей влади за додзельованє безповратних средствох младим малженским паром за купованє хижох на валалє, а ту и текст о статкарки Нади Малацко з Руского Керестура.
„Нашо места” пишу о схадзки Скупштини општини Вербас, а ту и напис о 70-рочнїци Активу женох при КУД „Жатва” з Коцура.
На бокох рубрики „Економия” зазначене на хторих фахових екскурзийох були керестурски паприґаре, а дзе були парасти з општини Вербас, а ту и фахово совити о орезованю винїцох.
„Култура и просвита” звекшого пише о Фестивалу новей рускей народней шпиванки „Ружова заградка”, а рубрика „Людзе, роки, живот” у сериї написох под назву „З другого боку творчосци” представя коцурску малженску пару писательох Серафину и Силвестера Макайових. Ту и текст о схопних рукох Серафини Такач з Кули.
„Духовни живот” зазначел як означени Шветови дзень молитви хтори того року отримани у Новим Садзе.
„Спорт”, медзи иншим, пише о нємилим приятельским стретнуцу коцурских и керестурских фодбалерох.