НОВИ САД – Новини „Руске слово” у своїм тринастим тогорочним виданю на бокох рубрики „Тижньовнїк” пишу о подїйох з предвиберанковей кампанї, док рубрика „Нашо места” зазначела информациї з општинох Шид и Вербас, як и з Дюрдьова.
„Духовни живот” пише о означованю Велькей ноци у грекокатолїцких парохийох хтори ше ровнаю по григориянским календаре, а „Култура и просвита” о пририхтованю матурантох з Дюрдьова за закончуюци испит, як и о тогорочним Драмским мемориялє.
На бокох „Економиї” тексти о ярнїх роботох у Керестуре, о означованю Дня водох и Дня лєсох у Вербаше, док „Мозаїк” упознава читачох з Юстину Галущак з Польскей.
У сериї написох „З другого боку творчосци” рубрика „Людзе, роки, живот” представя писателя Михала Рамача, та Дудашову фамелию з Руского Керестура, а як то узвичаєне, „Спорт” зазначел резултати змаганьох у лиґох дзе ше змагаю фодбалски екипи з наших местох.