НОВИ САД – У двацец штвартим тогорочним чишлє новинох „Руске слово” рубрика „Тижньовнїк” розпатра маєтни стан Националного совиту Руснацох, а преноши и заключеня з округлого столу о медийних шлєбодох.
О сотруднїцтве Дюрдьова и Великого Березного з України, пририхтованю за манифестацию Днї керестурскей паприґи, як и о акциї чисценя базену у Керестуре пише на бокох рубрики „Нашо места”, док ше „Економия” занїма з искуствами у дїлованю наших привреднїкох.
„Култура и просвита” понука интервю з маляром Владом Нярадийом, преноши атмосферу з новосадскей „Веселинки”, а наявює и Фестивал рускей култури „Червена ружа”.
Рубрика „Людзе, роки, живот” читачох упознава з Рацову фамелию з Нємецкей, односно Керестура, а ту и розгварка з керестурску панїматку Зою Шанта. „Мозаїк” пише о нових трендох медзи нашима младима – дзивоцким вечаре.
„Духовни живот” зазначел Першу причасц у Коцуре, преславу Кирбаю у Сримскей Митровици, док рубрика „Спорт”, медзи иншим, пише и як ше прешлого викенду змагало у старих руских бавискох на „Рутенияди” у Старих Янковцох.