У новим „Руским слове”

автор ядю
1.1k Опатрене

НОВИ САД – У двацец седмим тогорочним чишлє новинох „Руске слово” рубрика „Тижньовнїк” пише о означованю 25-рочнїци першого Шветового конґресу РРЛ у Медзилаборцох, „Нашо места”, медзи иншим, о актуалних бриґох з паркованьом у Руским Керестуре, а „Економия” о косидби жита у хотарох наших местох.

На бокох „Култури и просвити” постгумно обявена розгварка з Юлияном Рамачом Чамом, хтора мала буц обявена после Фестивалу рускей култури „Червена ружа”, а ту и тексти о припознаньох хтори достали руски школяре у Новим Садзе и Керестуре.

Мозаїк” читачих упознава зоз штварту школярку з України котра закончела школованє у Керестуре, а рубрика „Людзе, роки, живот” представя тортарку Татяну Салонтаї з Коцура и Наталию Гайдук з Керестура.

Духовни живот” пише о сходзе психотерапеутох Сербиї и о першей Служби Божей нового райовоселского паноца у Осиєку.

Спорт” сумирує ярню часц першенства наших фодбалских клубох, а и информує и о початку Ноцного турниру у малим фодбалу у Керестуре.

У тим чишлє вишли два додатки – „Руске слово у швеце” и „Медзипростор за кафу и виключеня”.

ПОВЯЗАНИ ТЕКСТИ