У новим „Руским слове”

автор ядю
803 Опатрене

НОВИ САД – У тогорочним двацец першим чишлє новинох „Руске слово” рубрика „Тижньовнїк“ пише о преслави Дня Руснацох у Републики Горватскей, о преслави 25-рочнїци Союзу Руснацох Українцох Сербиї, а ту и напис о снованю Орґанизацийного одбора за преславу Националного швета Руснацох, на рок у Кули.

На бокох рубрики „Нашо места” тексти о гуманитарней акциї „Од дзверох по дзвери” у Коцуре, о означованю Дня Месней заєднїци Шид, о пчоларки Ивони Сабо з Коцура, як и о других актуалносцох у Вербаше, Шидзе и Дюрдьове.

Бок „Економия” пише о пресадзованю паприґи у Руским Керестуре, а „Култура и просвита” о „Хорским фестивалє Карпати” у Вербаше, Републичним змаганю з руского язика у Дюрдьове, та о означованю Дня школи и Рочним концерту Дому култури у Руским Керестуре.

На боку „Духовни живот” звити з означованя Завитного дня у Водици и з першей Причасци у Керестуре, як и з преславох кирбайох у Беоґрадзе и Сримскей Митровици.

Рубрика „Людзе, роки, живот” читачох упознава з Андрийом Червеняком Дишом з Вербасу, а ту и єденасте предлуженє фельтону о двох рочнїцох нашей Установи.

„Мозаїк” того тижня пише о вечаре „Дзе(нь) младосц(и)?” у новосадским Руским културним центре и промоциї МАК-овей двокнїжки у Дюрдьове. „Спорт” зазначел резултати наших фодбалских клубох и як було на Медзинародним купу у спортским рибалове у Миклошевцох, а як додаток у тим чишлє вишло „Литературне слово”.

ПОВЯЗАНИ ТЕКСТИ