У новим „Руским слове”

автор вев
1.1k Опатрене

НОВИ САД – У трицец седмим тогорочним чишлє новинох „Руске слово” рубрика „Тижньовнїк” на своїх бокох пише о пририхтованю за означованє 200-рочнїци народзеня учителя Петра Кузмяка, а рубрика „Нашо места”, медзи иншим, информує и о будованю парку за ментално нєдостаточно розвити особи у Вербаше.

Рубрика „Економия” спатра урожай сої у хотарох у наших местох, док на „Култури и просвити”, хтора звекшого пошвецена початку школского рока у керестурскей, дюрдьовскей и коцурскей дзецинскей заградки, и нформация о тим хто витворює право на безплатни учебнїки.

„Духовни живот” пише и о Кирбаю у манастире Малих шестрох у Руским Керестуре, а рубрика  „Людзе, роки, живот” приноши интересантни текст о Якимови Папянкови, ковальови у пензиї з Руского Керестура.

На бокох „Спорту” звит з турниру у малим фодбалє за ветеранох у рамикох Спортских бавискох „Яша Баков”, а и у тим чишлє зазначени резултати екипох з наших местох у локалних фодбалских лиґох.

У тим чишлє „Руского” вишли два додатки – „Дом и фамелия” (пошвецена дойченю бебох), и „Дикица”.

ПОВЯЗАНИ ТЕКСТИ