НОВИ САД – Тогорочне трицец осме число новинох „Руске слово” на бокох „Тижньовнїка” пише о роботи Центру за социялну роботу Општини Кула, а рубрика „Нашо места”, медзи иншим, информує о ризику и пошлїдкох од огня у наших местох, як и о инициятиви за правенє бициґлистичней дражки медзи Кулу и Вербасом.
На бокох „Економиї” представени млади поднїматель Стефан Андрич з Дюрдьова, док боки „Култури и просвити” информую о нащиви писателя Тодета Николича коцурским школяром, а приноша и интервю з Мироном Жирошом.
„Духовни живот” пише о нащиви лондонского владики кир Глїба Лончини Коцуру, а на бокох „Людзе, роки, живот” интересантни напис о роздумованьох Любици Отич и животна приповедка Янка и Юсти Уйфалушових з Нового Саду.
„Спорт”, медзи иншим, приноши и звит з Медзинародного турниру у одбойки у Мукачове, у України, а як додаток у тим чишлє „Литературне слово”.