НОВИ САД – Штерацец перше тогорочне число новинох „Руске слово” на бокох рубрики „Тижньовнїк”, медзи иншим, дава звит зоз схадзки Одбору за образованє Народней скупштини, на хторей було бешеди о меншинским образованю.
„Нашо места” зазначели нащиву японских инвестирох до Шиду, ту и актуалносци з Месней заєднїци Руски Керестур, з Петровцох и Бикичу, а рубрика „Економия” спатра тогорочну паприґарску сезону у Руским Керестуре.
„Култура и просвита” информує о даскелїх нових кнїжкох у виданю НВУ „Руске слово”, о руских професорох котри участвовали на наукових конференцийох у иножемстве, дава звит з вистави у нашим Заводзе о приватним живоце Руснацох, як и з мултимедиялного перформансу у новосадским Руским културним центре.
„Духовни живот” представя нову кнїжку о. Романа Миза, а пише и о преподаваню Владети Єротича у Вербаше.
У рубрики „Людзе, роки, живот” зазначени здогадованя Петра Киша зоз Шиду на початок войни у Сриме, док „Мозаїк” понука розгварку з младим дизайнером звука Йованом Живковичом з Керестура, а ту и текст о тогорочних театралних збуваньох у реґионє.
„Спорт” пише о резултатох наших спортских клубох у їх лиґох, а анализовани и проблеми спортских рибарох пре заґадзени водоцеки. Як додаток у тим чишлє новинох „Руске слово у швеце”.