НОВИ САД – Рубрика „Тижньовнїк” ше у штерацец другим тогорочним чишлє новинох „Руске слово” занїма з русинском рухом на Горнїци пред сто роками, а „Нашо места”, медзи иншим, зазначели активносци Здруженя женох „Байка” и як означени Дзень зменшованя ризику од природних катастрофох у Коцуре.
„Економия” спатра як з цену кукурици калкулую польопривреднїки на шидским и коцурским подручу, а информує и о новооснованим Здруженю малинарох у Коцуре.
„Култура и просвита” виглєдує проблеми з виучованьом руского язика у новосадских школох, а понука и розгварку з побиднїком у змаганю за найкрасши леґиньски глас на тогорочней „Ружи” Робертом Загорянскийом.
„Духовни живот” зазначел отверанє обновених просторийох у Лєтнєй владическей резиденциї у Шидзе и преславу Кирбаю у Старим Вербаше.
У рубрики „Людзе, роки, живот” законченє тексту о здогадованьох Петра Киша з Петровцох на початок войни у Сриме, док „Спорт” понука и текст о новосадским Аеро-клубу.
Додаток у тим чишлє „Дом и фамелия”, дзе и нова „Женоблоґия”.