У новим „Руским слове”

автор ядю
899 Опатрене

НОВИ САД – У тогорочним двацец другим чишлє новинох „Руске слово” рубрика „Тижньовнїк“ пририхтала текст о отвераню Пасторалного центру у Бикичу, як и о меншинских виберанкох у Републики Горватскей.

О актуалних процесох приватизациї Радио Шиду и ликвидациї Спортского центру у Шидзе, о новосцох з керестурскей Школи, як и звит з Трецого Русинского фестивалу у Свиднїку – пише на „Наших местох”, док на „Економиї” о тим як рошлїни реаґовали на прешлотижньово дижджи и яки пошлїдки вони можу мац на урожай паприґи. Ту и напис о продукциї ягодох у Дюрдьове.

„Култура и просвита” зазначела як було на концерту керестурского Дому култури у Дюрдьове, о традицийним Майским концерту у Новим Орахове, успихох руских школярох на концу того школского рока, а ту и напис о промоциї кнїжки Тамари Хриновей у рамикох 47. Фестивалу поезиї младих у Вербаше.

 Попри вецей темох, рубрика „Духовни живот” пише о менованю Янка Катону з Руского Керестура за директора Каритасу нашого Апостолского еґзархату и о Першей причасци у Новим Садзе.

„Людзе, роки, живот” читачох упознаваю з водительку програми на руским язику на Радио Шидзе Евґению Данчо и закончує фельтон о двох рочнїцох нашей Установи. Бок „Мозаїк” представя Оддзелєнє за русинистику на Филозофским факултету у Новим Садзе.

На „Спорту” вецей о екстремним обегованю „Славик рейс”, на хторим Иван Виславски з Дюрдьова освоєл друге место, як и о осмей Рутенияди у Старих Янковцох. Як узвичаєне, „Руске” на тих бокох зазначує резултати наших фодбалских клубох, алє и успихи керестурских атлетичарох и каратистох на змаганьох.

 

 

ПОВЯЗАНИ ТЕКСТИ