НОВИ САД – У штерацец осмим тогорочним чишлє новинох „Руске слово” рубрика „Тижньовнїк” розпатра инициятиву за почесне членство у Националним совиту Руснацох, а „Нашо места”, медзи иншим, информую о схадзкох скупштинох општинох Кула и Шид, док „Економия” пише о продукциї капусти у Дюрдьове.
„Култура и просвита” дава звити з програмох з хторима закончена тогорочна Културна манифестация „Костельникова єшень”, а ту и интервю з Дюром Латяком.
На „Мозаїку” пренєшена атмосфера з „Дньовки”, а рубрика „Людзе, роки, живот” зазначела як випатра „пасуля лов” у Дюрдьове и 60-рочнїцу малженства Малацкових з Руского Керестура.
„Духовни живот” пише о кирбайох у Кули и коцурским манастире, а на „Спорту” огляднуце о резултатох фодбалских клубох з наших местох на концу єшеньскей часци першенства.
На бокох „Спорту” и текст о турниру у пикаду у Новим Садзе у рамикох Спортских бавискох „Яша Баков”, а як додаток у тим чишлє „Литературне слово”.