НОВИ САД – Националне швето Руснацох у Сербиї у Новим Садзе на пияток, 16. януара, у просторийох Руского културного центру (РКЦ) будзе означене з отвераньом вистави фотографийох Ненада Илича з нагоди рихтаня представох Драмского студия РКЦ „Мачка” и „Оркестер Титаник” на 19, а на 19,30 годзин и з пригодну културно-уметнїцку програму.
На програми буду участвовац Хор „Гармония”, Хлопска шпивацка група РКЦ, Камерни состав Националного оркестру Руснацох, дзеци члени РКЦ, шпивачка Мирослава Даждиу зоз своїм оркестром и рецитаторе РКЦ.
На означованє Националного швета поволани представителє Городу Нови Сад, Националного совиту Руснацох, руских институцийох и здруженьох, сотруднїки и приятелє РКЦ и шицки заинтересовани.
После програми будзе организовани коктел, а госцох з музику буду забавяц Владимир Сивч, Звонимир Кочиш и други.