НОВИ САД – Городска виберанкова комисия (ГВК) преглашела и єденасту виберанкову лїстину хтора 24. априла будзе участвовац на виберанкох за Скупштину Городу Нови Сад.
Єденаста преглашена лїстина „Лївица Сербиї-Борко Стефанович”. Лїстина ма 26 кандидатох, а перши на нєй будовательни инжинєр Драґан Максимович з Нового саду. Медзи кандидатами за городских одборнїкох Лївици, на 11. месце Иґор Бесерменї (1990) з Петроварадину.
До ГВК придата и лїстина „Словацка демократска странка”, як меншинска лїстина и нє обовязує ю виберанкови цензус. Кед ю ГВК преглаши, будзе дванаста лїстина за локални виберанки у Новим Садзе.
Странки, коалициї и ґрупи гражданох виберанково лїстини можу придавац ище нєшка до пол ноци.