НОВИ САД – Понеже здобути условия за початок сезони зогриваня, Новосадянє од вчера маю цепли радиятори. З оглядом же технїчна система за продукцию и дистрибуцию цеплотней енерґиї зложена, нє можлїве же шицки обєкти нараз достаню адекватне зогриванє, та з „Новосадскей цепларнї” апеловали на гражданох же би були сцерпезлїви.
На початку сезони зогриваня хаснователє най померкую на исправносц и функционованє инсталацийох у обисцу. У случайох чуреня на инсталацийох, треба явиц до „Новосадскей цепларнї” на число тел. 4881-105, а роботнїки доступни 24 годзини.
За шицки информациї гражданє можу наволац на числа 0800-100-021, лєбо 423-712 и 420-853, од 7 до 20 годзин роботнима днями, а соботами од 8 до 13 годзин.
Рекламациї на квалитет випоручованя цеплотней енерґиї мож приявиц до Служби рекламацийох кажди дзень од 6 до 22 годзин на число телефонох 4881-104 и 4881-106.