НОВИ САД – Нафтна индустрия Сербиї (НИС) того року видвої 15 милиони динари за проєкти у Новим Садзе з обласци спорту, култури, науки, животного штредку и за помоц социялно загроженим. То з подписованьом Спорозуменя о стратеґийним сотруднїцтве потвердзели ґенерални директор НИС у Сербиї Кирил Кравченко и городоначалнїк Нового Саду Милош Вучевич.
– Город Нови Сад каждодньово роби на злєпшаню условийох живота своїх гражданох. Медзитим, потримовка самого Городу прейґ його установох и подприємствох нє достаточна за розвой локалней заєднїци, та прето барз важне же би компаниї хтори ту дїлую, мали свидомосц о тим же до заєднїци треба укладац – гварел з тей нагоди Вучевич.
Конкурс за спомнути обласци з назву „Заєднїци вєдно“ тирва од 5. по 26. фебруар, а конкуровац можу шицки здруженя гражданох и други установи з дзешец локалних заєднїцох и Беоґраду. Вецей информациї о конкурсу мож опатриц на сайту – www.zajednicizajedno.nis.eu