НОВИ САД – Перше тогорочне „Руске слово” шветочне и з нагоди националного швета Руснацох вишло як двочисло на вецей бокох. Пред читачами текст предсидателя Националного совиту Руснацох Славка Раца, предсидателя кулского Руского КУД „Др Гавриїл Костельник” Владимира Бучка, текст о Руснацох у Кули – як домашнїх тогорочней Централней шветочносци, та розгварка зоз заменїком предсидателя Општини Кула Велибором Милоїчичом.
Шветочне число звекшого пошвецене и преслави Крачуна по наших парохийох по юлиянским календаре, а медзи иншим, стаємни рубрики – „Тижньовнїк”, „Нашо места”, „Економия”, „Култура и просвита”, „Духовни живот”, „Мозаїк” и „Спорт” даваю и прегляд подїйох хтори означели прешли, 2015. рок.
Як додаток вишол „Медзипростор за кафу и виключеня”.