У новим школским року ШОМО ма 191 школяра, у Керестуре 43

автор маф
1.1k Опатрене

РУСКИ КЕРЕСТУР/КУЛА – До Школи за основне музичне образованє (ШОМО) з Кули, хторей припада и Оддзелєнє у Руским Керестуре, уписани 38 нови школяре, так  же на початку нового школского 2015/16. року ШОМО од першей по шесту класу ма 191-ого школяра.

У керестурским Оддзелєню у шицких класох єст 43-йо школярох, а виучую гармонику при наставнїкови Мировони Сивчови, клавир при наставнїци Танї Орсаґ, тамбуру при Миланови Суїчови, кларинет при Славкови Оросови, док солфедьо преподава Владислав Тамаши.

Од вкупного числа, 11 школяре-початнїки, а найвецей ше опредзелєли за клавир, потим за гармонику и за тамбуру.

Керестурске Оддзелєнє роби у просторийох Основней и штреднєй школи з домом школярох „Петро Кузмяк”.

 

ПОВЯЗАНИ ТЕКСТИ