ЖАБЕЛЬ – За розлику од прешлого членства, у новей Општинскей ради (ОР) Жабель и Дюрдьов ма двоїх представительох – Душка Михелца и Нериму Шовлянски.
Душко Михелц (1963) зоз СНС, дипл.ветеринар, заняти у дюрдьовскей Амбуланти Ветеринарскей станїци Печинци, а Нерима Шовлянски (1987), тиж зоз СНС, дипл. инж. польопривреди, нєзанята.
Михелц у ОР задлужени за комунални дїялносци, ЗОО-гиґиєну, за защиту польопривредней жеми и роботу явних подприємствох, а Шовлянскова за културу и сотруднїцтво з нєвладовима орґанизациями.
Нова ОР ма 11 членох – пейц зоз Жаблю, штири з Чуроґу, два з Дюрдьова и єдного з Ґосподїнцох.