ОСИЄК – У Осиєку вчера закончена 8. Подобова колония КУД Руснацох Осиєк, хтору орґанизує спомнуте дружтво. На Колониї участвовали маляре з Горватскей – Роберт Ерделї, Кристиян Медєши и Мирослав Одавич и зоз Сербиї – Лидия Барна з Кули и Андєлка Античевич з Беркасова.
Маляре охабели красне число малюнкох у фундусу КУД Руснацох Осиєк, а на завераню Колониї, члени осиєцкого Дружтва им, попри скромних дарункох и подзекованьох, подаровали и кратшу културну програму. Програма отримана у дворе пансиону Максимилиян у „Тврдї”, дзе Подобова колония и отримана.
У рамикох Колониї, всоботу вечар члени Драмскей секциї КУД „Яким Гарди” з Петровцох Ивана Колбас и Владиммир Дудаш, виведли дуодраму „Пирскаци жирячки малженства”.
Подобова Колония отримана з финансийну потримовку Совиту за национални меншини Републики Горватскей, Осиєцко-бараньскей жупаниї и Городу Осиєк.