ОСИЄК – Осма Подобова колония КУД Руснацох Осиєк почина нєшка, 19., а тирва по нєдзелю, 21. юний. На Колониї участвую маляре з Горватскей и Сербиї, медзи нїма двоме млади уметнїки Роберт Ерделї и Кристиян Медєши з Горватскей, та уметнїки зоз Себиї – Лидия Барна з Кули и Андєлка (Балащак) Античевич зоз Шиду.
У рамикох Колониї, на ютре вечар у просторийох КУД Руснацох Осиєк Ивана Колбас и Владимир Дудаш з КУД „Яким Гарди” з Петровцох одбавя дуодраму „Пирскаци жирячки малженства”.
Подобова колония будзе у пансионє Максимилиян у познатей Осиєцкей „Тврдї” (Франєвачка 12), дзе на нєдзелю на 11 годзин робота Колониї будзе заварта з викладаньом на Колониї виробених малюнкох, представяньом учашнїкох и наступом членох КУД Руснацох Осиєк.
Подобову колония ше отримує з финансийну потримовку Совиту за национални меншини Републики Горватскей, Осиєцко-бараньскей жупаниї Городу Осиєк.