НОВИ САД – У осмим тогорочним чишлє новинох „Руске слово” рубрика „Тижньовнїк” увагу пошвецела приватизациї вербаского медийного сервису и кризи у України, а ту и информациї о конституованю шицких одборох и роботних целох Националного совиту Руснацох.
На „Наших местох”, медзи иншим, пише о трибини за паприґарох у орґанизациї „Те-паму” у Руским Керестуре, зазначени актуалносци з дюрдьовскей Месней заєднїци, а ту и текст о превожнїкови „Путоказ” з Кули. Бок „Економия” у тим чишлє звекшого пише о заєднїцким наступу керестурских паприґарох на тарґовищу.
О Дню мацеринского язика, вистави Андреи Новак у керестурскей Школи, та преподаваню др Янка Рамача у вербаских „Карпатох” пишу боки „Култури и просвити”, док „Духовни живот” зазначел як було на трибини о осамостойованю дзецох у Керестуре.
Рубрика „Людзе, роки, живот” представя интересантни живот 90-рочного Керестурца Мирона Костелника, а спортски бок преноши и успих младей керестурскей атлетичарки Кристини Катона на Першенстве Сербиї. Як додаток, у тим чишлє вишло „Литературне слово”.