СРИМ – У Парохиї у Беркасове парох о. Владимир Еделински Миколка вчера почал пошвецанє обисцох вирних у першей часци валалу, а нєшка, на Богоявлєнє, пошвецанє будзе предлужене по Служби Божей у другей часци валалу.
На ютре, стреду, о. Еделински Миколка од рана будзе пошвецац обисца у Бикичу.
И у Парохиї у Бачинцох парох о. Дарко Рац пошвецанє обисцох почнє нєшка, по Служби Божей, и то у Войводянскей, Русинскей и у улїцох Бранка Радичевича и Вука Караджича. На ютре будзе пошвецац обисца у Сримскей улїци, Палилула 1 и Палилула 2, у Фрушкогорскей и Змай Йововей улїци.
У Шидзе пошвецанє обисцох почнє нєшка на 14 годзин, по утвердзеним розпорядку хтори за парохиянох пририхтал о. Михайло Режак. Пошвецанє почнє у улїци Цара Лазара, а будзе закончене на пондзелок.