У породзилїщох интерна ревизия

автор ртв/сен
927 Опатрене

НОВИ САД – Шлїдом информациї же особни податки положнїцох зоз Сербиї, а найвецей з Нового Саду, злохасновани и уступени єдному дистрибутерови адаптованого млєка, поверенїк за информациї од явного значеня и защиту податкох о особи Родолюб Шабич наложел надпатрунок, а у породзилїщох у Войводини почали интерни ревизиї о даваню информацийох и контрактох з компаниями, гварел покраїнски секретар за здравство др Зоран Ґойкович.

Тих дньох єден дистрибутер адаптованого млєка положнїцом посилал рекламни материяли и дарунки. Пакет достала и членїца Здруженя „Родитель” Милена Костич, котра наволала дотичну компанию, у хторей єй нє сцели повесц одкаль достали єй податки.

Чи слово о потупйованю Закона о защити податкох о особи будзе познате после поступку хтори порушал Поверенїк Шабич.

ПОВЯЗАНИ ТЕКСТИ