СЕРБИЯ – До идуцого школского року треба войсц з оптимизованим числом роботнїкох, а звишки у просвити ше будзе ришовац так же би єден просвитни роботнїк мал цо векшу норму. Даєдних ше будзе розподзельовац на други места, а будзе понукнута и одпремнїна, наявел министер просвити Срдян Вербич.
Як наведол министер за новини Блиц, у Сербиї робя 10 000 просвитни роботнїки вецей, а у процесу розподзельованя роботох и понуканьох одпремнїнох, вельку улогу буду мац директоре школох и синдикати.
Кед слово о актуалним штрайку, министер Вербич гварел же до конца рока будзе виплацена пенєжна помоц просвитним роботнїком, а плаци им буду звекшани – лєм нє зна кеди то будзе.