У РКЦ-у промоция Оддзелєня за русинистику

автор арф
699 Опатрене

НОВИ САД – У просторийох Руского културного центру у Новим Садзе (Йована Суботича 8-10), нєшка на 20,30 годзин, будзе отримана промоция Оддзелєня за русинистику Филозофского факултета у Новим Садзе.

Штредньошколци и шицки заинтересовани достаню информацию о болоньскей системи студираня, предметох хтори ше виучую на основних студийох, як и о здобутей квалификациї и перспективох после студираня. Тиж так, представени буду и можлївосци хтори понука студиранє на Филозофским факултету, насампредз черанка студентох медзи рижнима универзитетами хтору оможлївює програма Еразмус +, нагода учиц числени странски язики, алє и рижни звонканаставни активносци.

ПОВЯЗАНИ ТЕКСТИ