У Румуниї означени ювилеї ШК и Здруженя Русинох

автор дюп/зам
1k Опатрене

РУМУНИЯ – Делегация Рускей матки, хтору предводзел єй предсидатель Дюра Папуґа, од 5. по 7. новембер пребувала у Мараморошским краю у Румуниї, у местох Красна и Бистра и городзе Сиґет, дзе Културне здруженє Русинох Румуниї орґанизовало пригодни програми и нащиви значним будинком у тим краю з нагоди означованя 25-рочнїци Шветового конґресу Русинох/Руснацох/Лемкох (ШК РРЛ) и 15-рочнїци Културного здруженя Русинох Румуниї (КЗРР).

Централна програма означованя ювилейох отримана внєдзелю, 6. новембра у Бистрей, на хторей госцох привитал предсидатель КЗРР и подпредсидатель Шветовей ради РРЛ Юлиус Фирцак, а на програми бешедовали и члени Шветовей ради Дюра Папуґа и Микола Бобинец, предсидатель Крайового здруженя подкарпатских Русинох з Мукачова, з України. Присутних привитали и посланїк у Парламенту Румуниї спред русинскей националней меншини Ґеорґий Фирцак и предсидателька Шветового форуму русинскей младежи Светлана Петрецки.

У длугшей културно-уметнїцкей програми участвовали русински дзивоцки, леґиньски и шпивацки ґрупи старших з Мараморошского краю, як и шпивач з Мукачова  Петро Куцкир.

У делеґациї Рускей матки бул и проф. Славко Пап, котри домашнїм подаровал кнїжку о нашому визначному спортистови Яшови Баковови и першу плочу русинских шпиванкох у бувшей Югославиї.

5-Rumunija-02

ПОВЯЗАНИ ТЕКСТИ